SANGRÍA

Sangría er svo frískandi og gómsætur drykkur sem er tilvalinn til að bera fram í góðra vina hópi. Þótt sumarið sé búið þá má svo sannarlega njóta sangríu og skella í spænska veislu sem jafnvel inniheldur ljúffenga tapas rétti. Mjög einfalt að útbúa sangríu, eina sem þú þarft er stór kanna, hráefnið og sleif.

1 epli 1 lime 1/2 sítróna 1/2 appelsína 2 litlar nektarínur 60 ml sykursíróp 60-70 ml Cointreau 1 flaska Adobe Reserva Merlot rauðvíni 2 dl límónaði, Sprite eða 7 Up Klakar

Aðferð

1. Skerið alla ávextina í bita/sneiðar og setjið í stóra könnu.

2. Hellið sykursírópi, Cointreau og rauðvíni í könnuna og hrærið vel saman með sleif.

3. Því næst hellið límónaði út í og kælið í 30-60 mínútur eða jafnvel lengur.

4. Bætið klökum saman við og njótið.

Sykursíróp

1. Blandið saman 200 ml af vatni og 200 g af sykri í pott. 

2. Bræðið sykurinn á vægum hita og hrærið þar til hann leysist upp. Kælið. Tekur nokkrar mínútur.

3. Ég helli sykursírópinu ofan í flösku með tappa og geymi í ísskáp. Það geymist í um 1 mánuð.

Verði ykkur að góðu & njótið! ❤️

// HILDUR RUT

INSTAGRAM: @hildurrutingimars 

TIKTOK: @hildurruti