BBQ QUESADILLAS Á EINNI PLÖTU

Það er fátt þægilegra en að setja allt á eina ofnplötuð, baka og njóta. Þessi réttur er fullkominn þegar þið viljið deila með fjölskyldu eða vinum. Stökk tortilla að utan, nautahakk með Hunts BBQ-sósu, tómatar og bráðinn cheddar að innan. Toppa svo með sýrðum rjóma, avókadó, kóríander og fersku salati. Ísköld Corona hliðina gerir svo máltíðina enn betri.

500 g nautahakk

1 meðalstór laukur, saxaður

1 ferskt chili, saxað (eða smá chiliflögur)

1 ½ dl Hunts BBQ sósa

2 dl smátt skornir tómatar

200 g rifinn cheddar ostur

8 stórar tortilla kökur

Ólífuolía til penslunar

Salt og pipar

Til að toppa:

Sýrður rjómi

1 avókadó, skorið í sneiðar

Ferskur kóríander

Lime

Ferskt chili í sneiðum (má sleppa)

Aðferð

1. Hitið ofninn í 200°C og klæðið ofnplötu með bökunarpappír.

2. Steikið nautahakkið á pönnu þar til það er brúnað. Bætið lauk og chili út á pönnuna og steikið áfram í nokkrar mínútur þar til laukurinn mýkist.

3. Hellið Hunts BBQ-sósunni út í og hrærið vel saman. Smakkið til með salti og pipar.

4. Leggið 7-8 tortillur á bökunarplötu þakta bökunarpappír þannig að þær liggi aðeins yfir hvor aðra. Þetta á að mynda botninn.

5. Dreifið nautahakksblöndunni yfir botninn, smátt skornum tómötum og rifnum cheddar osti yfir.

6. Leggið restina af tortillunum (ég notaði eina) í miðjuna ofan á sem lok og brjótið brúnirnar inn þannig að þær hylji fyllinguna. Penslið toppinn með ólífuolíu.

7. Bakið í 20–25 mínútur eða þar til toppurinn er gullinbrúnn og stökkur.

8. Skerið sneiðar og berið fram með sýrðum rjóma, avókadó, fersku salati, kóríander, lime og chili og njótið vel.

Verði ykkur að góðu & njótið! ❤️

// HILDUR RUT

INSTAGRAM: @hildurrutingimars 

TIKTOK: @hildurruti Samstarf við Innnes