BOLLUR MEÐ BLÁBERJUM & KARAMELLU

Einfaldar og gómsætar vatnsdeigsbollur fylltar með Wearther's karamellum og bláberjarjóma. Fullkomnar í bolludagskaffinu!

6 litlar vatnsdeigsbollur (ég keypti tilbúnar í þetta skiptið)

Karamellusósa (dugar fyrir fleiri bollur) 1 poki Werther’s karamellur ½ dl rjómi 5 msk flórsykur

Bláberjarjómi 3 dl rjómi 150 g Driscoll's bláber 2 msk flórsykur 1 tsk vanillusykur

Toppa með: Driscoll's bláber

Flórsykur til að sigta yfir

Aðferð

Byrjið á því að setja Werther’s karamellurnar og rjómann í pott og hitið við vægan hita þar til karamellurnar eru alveg bráðnar og sósan orðin slétt.
Takið pottinn af hitanum og hrærið 5 msk af flórsykri saman við þar til sósan verður þykk. Leyfið henni að kólna aðeins áður en hún er notuð.
Setjið bláberin í skál eða á skurðarbretti og stappið þau vel með gaffli.
Þeytið rjómann og bætið bláberjunum, 2 msk flórsykri og vanillusykri saman við og blandið varlega saman.
Skerið vatnsdeigsbollurnar í tvennt. Setjið smá karamellusósu í botninn á bollunum.
Setjið bláberjarjómann ofan á karamelluna og lokið bollunum.
Setjið síðan smá karamellusósu ofan á hverja bollu, skreytið með ferskum bláberjum og sigtið flórsykur yfir.