top of page
Search

BRÓMBERJA MARGARITA

  • Jan 1
  • 1 min read

Hvernig væri að skála um helgina í ljúffengum kokteil í tilefni hrekkjavökunnar? Kokteillinn samanstendur af Cointreau, Mezcal, brómberjum, timían, lime og sírópi og bragðast ótrúlega vel. Brómberin gera kokteilinn sérlega ferskan en gefa honum einnig drungalegt yfirbragð sem á vel við á hrekkjavökunni. 


Einn kokteill 5-6 brómber 2 fersk timían strá 2 cl safi úr lime 2 cl sykursíróp 2 cl Cointreau 5 cl Mezcal Klakar

Skraut á glas 1 tsk sjávarsalt 1 tsk skógarberjate

Sykursíróp 200 g sykur 200 ml vatn

Aðferð

  1. Setjið brómberin í glas ásamt timjan, lime og sykursírópi. Merjið vel saman með morteli.

  2. Hellið Cointreau og Mezcal út í.

  3. Blandið saman skógarberjate og sjávarsalti í skál. Merjið saman með morteli.

  4. Dreifið saltblöndunni á disk og sykursírópi í annan disk. Dýfið brúninni á fallegu glasi öfugu ofan í sykursírópið. Því næst dýfið þið glasinu í saltblönduna og þekjið brúnina.

  5. Setjið klaka í glasið, hellið vökvanum í gegnum sigti og njótið.


Verði ykkur að góðu & njótið! ❤️

// HILDUR RUT


INSTAGRAM: @hildurrutingimars 

TIKTOK: @hildurruti

Comments

bottom of page