FYLLT BRAUÐ MEÐ OSTI & GRASLAUK
- Jan 3
- 1 min read
Fyllt brauð eða „Pull apart“ þar sem ég sker raufar í brauðið og fylli það með nóg af osti. Baka brauðið og toga bitana út. Fullkominn puttamatur og tilvalið að bera fram í þeim veislum eða matarboðunum sem framundan eru. Fyllingin er einföld og gómsæt en hún samanstendur af Philadelphia rjómaosti með graslauk, mozzarella osti, cheddar osti, hvítlaukssmjöri og ferskum graslauk.
Súrdeigsbrauð, óskorið 1 dós Philadelphia rjómaostur með graslauk/kryddi 1½ dl rifinn cheddar ostur 1½ dl rifinn mozzarella ostur 1-2 msk ferskur graslaukur (má sleppa eða nota steinselju) 30 g brætt smjör til að pensla 1 hvítlauksrif
Aðferð:
Skerið raufar í brauðið þannig að þær myndi kassalaga bita.
Blandið saman rjómaosti, 1 dl cheddar osti, 1 dl mozzarella osti og smátt skornum graslauk.
Smyrjið blöndunni vel í allar raufarnar.
Pakkið brauðinu inn í álpappír og bakið í ofni í 15-17 mínútur við 180°C.
Takið álpappírinn af og dreifið ½ dl mozzarella osti og ½ dl cheddar osti yfir raufarnar. Bakið í 5-10 mínútur í viðbót.
Takið ykkur brauðbita með því að toga í brauðið meðfram raufunum og njótið.
Verði ykkur að góðu & njótið! ❤️
// HILDUR RUT
INSTAGRAM: @hildurrutingimars
TIKTOK: @hildurruti
Samstarf við Innnes
Comments