GRILLAÐ LAMBAKONFEKT MEÐ KRÖMDUM KARTÖFLUM

Feb 4
2 min read

Þegar þið viljið dekra við ykkur eða bjóða í almennilega grillveislu, þá er lambakonfekt algjör lúxus en samt ótrúlega einfalt að útbúa. Lambakonfekt í Caj P marineringu og borið fram með kaldri rjómaostasósu og stökkum kartöflum af grillinu. Þetta slær alltaf í gegn! Best af öllu er að hægt er að undirbúa allt fyrirfram sem gerir þetta þægilegt hvort sem þið eruð að fá gesti í mat eða að grilla úti í ferðalagi.

Fyrir þrjá-fjóra

800–900 g lambakonfekt (með beini)

1 dl Caj P Original marinering

1–2 msk ólífuolía (ef þarf að þynna marineringuna)

Köld rjómaostasósa með graslauk

200 g Philadelphia rjómaostur

½ dl sýrður rjómi eða grísk jógúrt

1 tsk hvítlauksduft eða1 hvítlauksrif pressað

1 tsk laukduft

1 tsk sítrónusafi

1 tsk Dijon sinnep (má sleppa)

2 msk ferskur graslaukurm, smátt saxað

Salt og pipar eftir smekk

Kramdar kartöflur

800 g litlar kartöflur

2–3 msk ólífuolía

2–3 hvítlauksrif, pressuð

½ tsk sjávarsalt

¼ tsk svartur pipar

1 dl rifinn parmesan (eða annar ostur sem þú átt til)

Fersk steinseja

Aðferð

Byrjið á að setja lambakonfektið í poka eða skál og hellið Caj P marineringunni yfir ásamt ólífuolíu. Látið liggja í marineringunni í minnst 4 klst eða yfir nótt ef þið hafið tíma.
Blandið saman öllum hráefnum í sósuna og smakkið til með salti og pipar. Kælið þar til hún er borin fram.
Sjóðið kartöflurnar í ca. 20-30 mínútur, eða þar til þær eru orðnar mjúkar og tilbúnar.
Merjið kartöflurnar varlega með botni á glasi. Blandið saman ólífuolíu og hvítlauk, penslið yfir kartöflurnar og kryddið með salti og pipar. Stráið parmesan yfir.
Grillið kartöflurnar á álpappír í 8–10 mínútur þar til þær verða stökkar og gullinbrúnar. Stráið ferskri steinselju yfir.
Grillið lambakonfektið á beinum hita í ca. 4–5 mínútur á hvorri hlið, þar til það er fallega brúnað. Færið yfir á óbeinan hita og grillið áfram í 5–10 mínútur, eftir þykkt og smekk. Látið hvíla í 5 mínútur áður en þið berið það fram.
Berið lambið fram með stökkum kartöflum og köldu sósunni.