CHIA GRAUTUR MEÐ HINDBERJUM & MÖNDLUSMJÖRI

Ég elska einfaldan og hollan morgunmat sem mér líður vel af og gefur mér góða orku út í daginn. Ég prófaði þennan chia graut í morgun eftir að ég sá svipaða uppskrift á Instagram og namm hvað hann heppnaðist vel. Þessi verður í morgunmat oft! Ég einfaldlega stappaði fersk hindber, hrærði smá stevíusírópi saman við og setti í botninn á grautnum. Svo bakaði ég hollt og gott granóla sem ég toppaði með ásamt möndlusmjöri og fleira góðu. Það er örugglega snilld að útbúa grautinn daginn áður. Mæli mikið með!

Fyrir einn

6-10 hindber

1 msk stevíusíróp (eða magn eftir smekk)

3 msk chia fræ

2 dl sykurlaus möndlumjólk eða kókosmjólk

1/2 ástaraldin

1 msk möndlusmjör

2-3 fersk hindber til að toppa með

Fljótlegt granóla

1 dl kókosflögur

1 dl graskersfræ

1 dl möndluflögur 1/2 dl sesamfræ 1 msk ólífuolía 2 msk stevíusíróp

Aðferð

1. Blandið saman chia fræjum og möndlumjólk. Hrærið vel saman í byrjun og leyfið svo blöndunni að standa í nokkrar mínútur á meðan þið græjið restina. Gott að gera nokkra skammta og eiga til í ísskápnum.

2. Stappið saman hindber og stevíusíróp.

3. Hellið hindberjablöndunni í litla skál, krukku eða glas. Hellið svo chia grautnum ofan á og toppið með granóla, ástaraldin, möndlusmjöri og hindberjum.

Fljótlegt granóla

1. Blandið öllu saman í skál í með skeið.

2. Dreifið á bökunarplötu þakta bökunarpappír.

3. Bakið í 6-8 mínútur við 190°C. Hrærið reglulega í blöndunni og passið að hún brenni ekki.

Verði ykkur að góðu & njótið! ❤️

// HILDUR RUT

INSTAGRAM: @hildurrutingimars 

TIKTOK: @hildurruti