GRANÓLA MEÐ KÓKOS & MÖNDLUSMJÖRI

Heimagert granóla er svo gott og hér gerði ég uppskrift af slíku í samstarfi við Innnes. Þetta granóla inniheldur hafra, möndlur, pekanhnetur, kókosflögur ásamt möndlusmjöri með kókos og döðlum, kókosolíu og hlynsírópi. Ég notaði Rapunzel vörurnar í uppskriftina en þær eru mjög vandaðar og allar lífrænt ræktaðar. Þær fást m.a. í Nettó og Fjarðarkaupum. Möndlusmjörið frá þeim með kókos og döðlum er í algjöru uppáhaldi hjá mér og það er mjög gott að dreifa smá yfir gríska jógúrtið eða setja í boost. Mæli með!

https://www.youtube.com/watch?v=oefsaeBInMU

5 dl grófir hafrar frá Rapunzel 2 dl möndlur frá Rapunzel 2 dl pekanhnetur 1 dl kókoflögur frá Rapunzel 3 msk möndlusmjör með kókos og döðlum frá Rapunzel 2 msk kókosolía frá Rapunzel 3 msk hlynsíróp frá Rapunzel

Aðferð

1. Skerið pekanhnetur og möndlur gróft. 

2. Blandið saman við tröllahafrana.

3. Bræðið kókosolíu, möndlusmjör og hlynsíróp í potti.

4. Hellið blöndunni út í haframjölið og blandið vel saman með sleif/skeið.

5. Dreifið blöndunni á smjörpappírsklædda ofnplötu og bakið við 180°C í 20-25 mínútur. Hrærið reglulega í blöndunni og passið að hún brenni ekki.

6. Blandið kókosflögunum saman við í lokin. Geymið í lokuðu íláti.
   

Verði ykkur að góðu & njótið! ❤️

// HILDUR RUT

INSTAGRAM: @hildurrutingimars 

TIKTOK: @hildurruti