KORNFLEX JÓLANAMMI MEÐ PIPARMINTUBRAGÐI

Jan 3
1 min read

Einfalda og gómsætt jólanammi. Það kannast eflaust margir við kornflex nammibita með súkkulaði og sírópi en það má segja að þetta konfekt sé útgáfa af því. Súkkulaði kornflex bitar með hvítu súkkulaði og karmellu fylltur Marianne brjóstsykur með piparmintubragði. Brjóstsykurinn gefur bitunum bæði skemmtilegt bragð og gerir þá jólalega. Namminamm! Mjög fallegt að setja bitana í sellofan og gefa í tækifærisgjafir í aðventunni.

180 g kornflex 300 g dökkt súkkulaði 100 g smjör 70 ml síróp 100 g hvítt súkkulaði 10 stk Fazer Marianne toffee brjóstsykur

Aðferð

Byrjið á því að bræða saman dökkt súkkulaði, smjör og síróp í potti. Hrærið vel saman og leyfið að malla í 5 mínútur þegar súkkulaðið er bráðnað.
Hellið kornflexi í skál og blandið súkkulaðibráðinni varlega og vel saman við.
Dreifið blöndunni með matskeið á bökunarplötu þakta bökunarpappír. Kælið í ísskáp eða frysti.
Bræðið hvítt súkkulaði í skál yfir vatnsbaði.
Myljið brjóstsykurinn í matvinnsluvél eða með því að setja í poka og renna kökukefli yfir. Ef karamellan sem er inn í brjóstsykrinum fer ekki í sundur þá er gott að skera hana í minni bita með hníf.
Dreifið hvíta súkkulaðinu yfir kornflexbitana og stráið brjóstsykrinum yfir á meðan það er ennþá blautt. Njótið.