KORNFLEX NAMMIBITAR

Að eiga þessa nammibita gerir lífið svo sannarlega ljúft um helgar og passar sérlega vel með kaffinu. Þeir eru ómótstæðilega góðir og tekur enga stund að útbúa. Hnetusmjörsbragðið er svo gott og kornflexið gerir þetta svo krönsí. Algör snilld að eiga þetta til í frystinum. Mæli með að skella í þetta um helgina.

8 dl kornflex

2-3 dl síróp

⅔ hnetusmjörkrukka, ég nota frekar þunnt og mjúkt

200 g suðusukkúlaði

40-50 g hvítt súkkulaði

Aðferð

1. Bræðið hnetusmjör og síróp í potti og blandið saman.

2. Hrærið kornflexinu út í. Bætið við kornflexi ef ykkur finnst blandan of blaut.

3. Dreifið blöndunni í skúffukökuform eða eldfast mót. Mæli með að setja smjörpappír undir. Geymið inn í frysti á meðan þið bræðið súkkulaðið.

4. Bræðið suðusúkkulaði og hvítt súkkulaði yfir vatnsbaði í sitthvorri skálinni.

5. Dreifið suðusúkkulaðinu jafnt yfir kornflexblönduna. Skreytið svo með hvíta súkkulaðinu. Kælið í fyrstinum í klukkustund.

6. Skerið í litla bita og geymið í frystinum.

Verði ykkur að góðu & njótið! ❤️

// HILDUR RUT

INSTAGRAM: @hildurrutingimars 

TIKTOK: @hildurruti