PUMPKIN SPICE STROH KAFFI

Kokteill sem yljar manni á köldum dögum, afar ljúffengur og minnir aðeins á jólin. Heitur kaffidrykkur með Stroh, flóaðri mjólk, pumpkin spice, hrásykri og toppaður með þeyttum rjóma.

Fyrir einn 1 espresso skot kaffi eða ½ dl sterkt kaffi 1 msk hrásykur ¼ tsk pumpkin spice + auka til að skreyta 2-4 cl Stroh 1 dl flóuð mjólk Þeyttur rjómi

Pumpkin spice kryddblanda 2 tsk kanill ½ tsk múskat ½ tsk malaður negull ½ tsk malað engifer

Aðferð:

1. Byrjið á því að útbúa pumpkin spice kryddblönduna. Blandið öllum hráefnunum saman í skál eða krukku. Gott að geyma svo í krukku upp í skáp til að eiga. Mér finnst t.d. gott að strá smá pumpkin spice út í kaffið.

2. Blandið saman heitu kaffi, hrásykri og pumpkin spice í bolla eða glas. Hrærið vel saman þar til sykurinn leysist upp.

3. Hellið Stroh saman við og hrærið.

4. Hitið mjólkina í potti eða í mjólkurflóara, hellið saman við kaffiblönduna og hrærið.

5. Að lokum toppið kokteilinn með þeyttum rjóma, stráið pumpkin spice yfir og njótið!
   

Verði ykkur að góðu & njótið! ❤️

// HILDUR RUT

INSTAGRAM: @hildurrutingimars 

TIKTOK: @hildurruti