TACO MEÐ BROKKÓLÍ & RAUÐKÁLSHRÁSALATI

Þetta holla og bragðgóða taco hefur lengi verið í uppáhaldi hjá mér en uppskriftina er að finna í bókinni Vinsælustu uppskriftirnar frá vinsælum matarbloggurum. Það er afar fljótlegt en ég baka brokkólíið og tortillurnar í ofni á meðan ég undirbý rauðkálshrásalatið, fetaostinn og avókadóið. Rauðkálshrásalatið er æðislega gott og ég mæli með að prófa að setja það á hamborgara eða samlokur. Hægt er að breyta uppskriftinni í vegan og skipta þá út majónesinu og ostinum.

Ég mæli með þremur taco á mann

1-2 brokkólíhausar

Ólífuolía

Cumin

Laukduft

Salt og pipar

Litlar tortillur (taco)

1-2 avocado

Fetakubbur

Alfalfa spírur

Rauðkálshrásalat

5 dl ferskt rauðkál

3-4 msk majónes

2 msk Sriracha sósa

Aðferð

1. Skerið brokkólí í litla bita og setjið í eldfast form. Dreifið olíu yfir og kryddið með kúmen, laukdufti, salti og pipar.

2. Bakið í ofni við 180°C í 13-18 mínútur eða þangað til að brokkólíið er orðið stökkt.

3. Útbúið rauðkálshrásalat og hitt meðlætið á meðan brokkólíið er að bakast. Blandið saman majónesi og sriracha sósu með skeið. Skerið rauðkálið í þunnar ræmur og blandið saman við sósuna.

4. Stappið fetaostinn og stappið avókadó.

5. Penslið tortillurnar með ólífuolíu og hitið þær í ofni.

6. Setjið á tortillurnar rauðkálshrásalatið, brokkólí, avókadó, fetaostinn og toppið svo með alfalfa spírum.

Verði ykkur að góðu & njótið! ❤️

// HILDUR RUT

INSTAGRAM: @hildurrutingimars 

TIKTOK: @hildurruti