BUTTER CHICKEN

Þessi réttur er eldaður reglulega á mínu heimili og klikkar aldrei! Rjómalagaður kjúklingur í tómat og kryddblöndu sem ég ber fram með túrmerik hrísgrjónum, raita og naan brauði. Mér finnst mjög gott að para þetta með góðu rauðvíni. Ef þið hafið tíma mæli ég líka með að útbúa naan brauðið sjálf, það er extra gott og þið finnið uppskriftina hér.

Fyrir 4

1 kg úrbeinuð kjúklingalæri frá Rose Poultry

2 msk garam masala

1 tsk engiferduft

1 tsk hvítlauksduft 1/2 tsk chiliflögur

1 tsk salt

1/4 pipar

1,5 dl jógúrt

1 msk ólífuolía

Sósan:

2 msk smjör

1 stór laukur, sneiddur

1½ tsk engiferduft

3 hvítlauksgeirar

1 dós (ca. 400 g) heilir tómatar frá Hunts

2 msk tómatpaste frá Hunts

½ tsk garam masala

1 tsk chili flögur

1½ tsk kóríander duft

1½ tsk cumin duft

1½ tsk sykur (einnig gott að nota hunang)

1,5 dl rjómi

Raita sósa 1 dós hrein jógúrt 1/2 agúrka, smátt skorin

1/4-1/2 tsk garam masala

Salt eftir smekk

Aðferð

1. Blandið saman garam masala, engiferdufti, hvítlauksdufti, chili, salti, pipar, jógúrti og ólífuolíu. Setjið kjúklinginn út í og látið marinerast í að minnsta kosti 20 mínútur (helst lengur, ég geri það stundum daginn áður).

2. Steikið kjúklinginn uppúr smjöri eða olíu þar til hann er eldaður og takið til hliðar

3. Hitið smjör á sömu pönnu og steikið lauk þar til hann verður mjúkur og glær.

4. Bætið hvítlauki út í, kyrddunum og steikið stutt.

5. Setjið tómatana og tómatpaste og látið malla í nokkrar mínútur. Maukið síðan sósuna þar til hún verður silkimjúk (bætið smá vatni ef þarf). Ég notaði bara blender en einnig er hægt að nota töfrasprota eða matvinnsluvél.

6. Hellið sósunni yfir, bætið rjóma og sykri og látið malla þar til sósan þykknar.

7. Setjið kjúklinginn útí og berið fram með hrísgrjónum, naan brauði og raita.

Smá tips:

• Gott er að bæta kanilstöng og túrmerik út í hrísgrjónin á meðan þau sjóða til að fá meira bragð og fallegan lit.

• Mæli með að strá ferskum kóríander yfir réttinn þegar hann er tilbúinn.

Verði ykkur að góðu & njótið! ❤️

// HILDUR RUT

INSTAGRAM: @hildurrutingimars 

TIKTOK: @hildurruti

Samstarf við Innnes