STÖKKAR FLÖGUR MEÐ PARMASKINKU, RJÓMAOSTI, HUNANGI & JALAPENO

Jul 26
1 min read

Þetta er algjört sælgæti! Stökkar Maruud salt- og piparflögur toppaðar með rjómaosti, stökkri parmaskinku, jalapeno og hunangi. Fullkomin blanda af söltu, sætu og örlitlu kryddi sem slær alltaf í gegn. Berið fram beint úr ofninum með ísköldu Prosecco eða öðrum góðum drykk.

140 g Maruud flögur með salti og pipar

150 g Philadelphia rjómaostur

6 sneiðar parmaskinka eða prosciutto

2–3 msk jalapeno sneiðar (úr krukku)

2 msk hunang

Aðferð

Hitið ofninn í 180°C.
Dreifið flögunum á bökunarplötu þakta bökunarpappír.
Setjið litlar doppur af Philadelphia yfir allt.
Rífið parmaskinkuna í litla bita og dreifið yfir.
Dreifið jalapeno sneiðunum og dreypið hunangi vel yfir allt.
Bakið í ofni í 5–7 mínútur, eða þar til rjómaosturinn hefur mýkst og parmaskinkan tekið smá lit.
Berið fram strax á meðan snakkið er heitt og njótið.