JÓLA COSMO 75

Ljúffengur jólakokteill með heimagerðu trönuberjasírópi Fyrir mér snýst fullkominn jólakokteill um að sameina fallega liti, góð hráefni og auðvelda aðferð. Heimagerða trönuberjasírópið lyftir þessum drykk á annað level og er líka hægt að nota í aðra drykki eða jafnvel á eftirrétti. Þetta er kokteill sem er ferskur, jólalegur og með smá freyðandi lúxus.

Fyrir einn kokteil: 2 cl gin 2 cl Cointreau 2 cl trönuberjasíróp 2 cl ferskur lime-safi Klakar eða stór klaki með rósmarín og trönuberjum 1,5 dl eða meira Cune Cava

Trönuberja sykursíróp

150 g trönuber

300 g sykur

1 dl trönuberjasafi

3 dl vatn

Aðferð:

1. Settjið gin, Cointreau, trönuberjasíróp og lime í kokteilhristara með klökum.

2. Hristu vel og hellið í fallegt glas í gegnum sigti. 

3. Settu fallegan klaka í glasið sem inniheldur fersk trönuber og rósmarín.

4. Toppið með cava og njótið. Ferskur, hátíðlegur og alveg skálvænn fyrir jólin!

Trönuberjasíróp:

1. Setjið  allt saman í pott og leyfið suðunni að koma upp – mæli með loki á pottinn!

2. Leyfið þessu að malla í 1-2 mínútur

3. Takið af hitanum og látið kólna í 5 mínútur. Þið fáið djúpt rauðleitt síróp sem bragðast ótrúlega vel með kokteilnum.

4. Hellið í krukku eða flösku og geymið í ísskápnum.

Verði ykkur að góðu & njótið! ❤️

// HILDUR RUT

INSTAGRAM: @hildurrutingimars 

TIKTOK: @hildurruti

Samstarf við Innnes