OFNBÖKUÐ BLEIKJA MEÐ PARMESANKRÖSTI

Ofnbökuð bleikja toppuð með panko raspi og parmesan er eitthvað sem allir ættu að prófa! Þessa uppskrift hef ég svo oft og er í miklu uppáhaldi hjá mér. Tekur enga stund að útbúa og bleikjan verður svo stökk og ljúffeng. Þetta er svo gott að mér finnst ekki þurfa sósu með þessu. Það er gott að bera hana fram með byggi eða ofnbökuðum kartöflubátum og góðu grænmeti. Það er líka gott að stappa fetaost og setja í staðinn fyrir parmesan ostinn.

Fyrir 3

600-700 g bleikjuflök

50 g smjör

1 1/2 dl Panko brauðraspur

3 msk rifinn parmesan ostur

2 msk steinselja

Salt og pipar

Aðferð

1. Bræðið smjör í potti, bætið brauðraspinum við og hrærið saman.

2. Setjið bleikjuna á smjörpappírsklædda bökunarplötu. Saltið og piprið hana eftir smekk.

3. Dreifið raspinum og smjörinu ofan á bleikjuna. Rífið parmesan ostinn og dreifið honum yfir.

4. Að lokum toppið þið bleikjuna með steinseljunni. Bakið í ofni í 12-15 mínútur við 200°C.

Verði ykkur að góðu & njótið! ❤️

// HILDUR RUT

INSTAGRAM: @hildurrutingimars 

TIKTOK: @hildurruti