POKE SKÁL MEÐ CHILI RISARÆKJUM

Oct 15

2 min read

Poke skál er svo þægilegur hádegis- eða kvöldmatur þegar ykkur langar í eitthvað fljótlegt en gott. Hér nota ég Tilda Sticky Rice, chili risarækjur og ferskt meðlæti og toppa með japönsku majónesi og sriracha. Það er líka mjög gott að nota laxatartar í staðinn fyrir rækjurnar.

Fyrir tvo

1 poki Tilda Sticky Rice, 250 g

300 g hráar risarækjur, án skeljar

1 msk. chiliolía, eða eftir smekk

Salt og pipar

½ gúrka

1 avókadó

½ drekaávöxtur eða ½ mangó

2 vorlaukar

Handfylli af ferskum kóríander

1 msk. sesamfræ

Nori-snakk eða 1 nori-blað, skorið í bita

2–3 msk japanskt majónes

Sriracha eftir smekk

1 lime, skorið í báta

Aðferð

Hitið hrísgrjónin samkvæmt leiðbeiningum á pakkanum. Ef þið eruð ekki með örbylgjuofn, eins og ég, má hita þau í ofni: Setjið grjónin úr pokanum í lítið eldfast mót, losið þau í sundur með gaffli og bætið við 1–2 msk. af vatni. Hyljið mótið með loki eða álpappír og hitið við 180°C í um 15–20 mínútur, eða þar til grjónin eru heit í gegn. Hrærið í þeim og skiptið í tvær skálar.
Þerrið rækjurnar og blandið þeim saman við chiliolíu, salt og pipar. Hitið pönnu við miðlungsháan hita og steikið rækjurnar í um 2–3 mínútur á hvorri hlið, eftir stærð, þar til þær eru eldaðar í gegn.
Skerið gúrkuna í bita, avókadóið í sneiðar og drekaávöxtinn eða mangóið í bita. Saxið vorlaukinn smátt.
Raðið rækjunum, gúrkunni, avókadóinu og drekaávextinum eða mangóinu ofan á hrísgrjónin.
Dreifið vorlauk, kóríander og sesamfræjum yfir og bætið nori við.
Toppið með japönsku majónesi og sriracha. Berið fram með limebátum.