STÖKKAR GRÆNMETIS TOSTADAS

Jan 2
1 min read

Einfaldur réttur sem þið verðið að prófa! Stökkar tortillur með dásamlegu krydduðu grænmeti og kjúklingabaunum, bræddum osti og gómsætri sósu. Trixið til að ná tortillunum svona extra stökkum og ljúfum er að steikja þær upp úr ólífuolíu, dreifa osti yfir og baka inn í ofni.

Fyrir 2 4 dl blómkál, smátt skorið 2 dl sveppir, smátt skornir 1 portobello sveppur, smátt skorinn (má sleppa eða nota meiri sveppi) 2 dl kjúklingabaunir 1 dl skarlottulaukur, smátt skorinn 2 msk ólífuolía 1 msk harissa krydd Salt & pipar eftir smekk 2 stórar tortillur 2 dl rifinn mozzarella ostur 5 dl rifinn havarti ostur Fersk steinselja eða kóríander eftir smekk (má sleppa)

Sósa: 2 dl Heinz majónes 1-2 tsk harissa kryddblanda 2 msk safi úr sítrónu Salt eftir smekk

Aðferð:

Blandið blómkáli, sveppum, kjúklingabaunum og skarlottulauk saman við ólífuolíu og krydd. Hrærið öllu vel saman í skál og leyfið að standa á meðan þið græjið tortillurnar.
Skerið tortillurnar í fjóra þríhyrninga. Steikið þær uppúr ólífuolíu á vel heitri pönnu þar til þær verða stökkar. Passið að þær brenni ekki.
Raðið tortillunum á bökunarplötu þakta bökunarpappír og dreifið havarti osti og mozzarella osti jafnt yfir.
Bakið í ofni í um 5-7 mínútur við 190°C eða þar til osturinn er bráðnaður.
Steikið grænmetisblönduna upp úr ólífuolíu og dreifið yfir nýbakaðar tortillurnar. Berið fram með sósunni og stráið ferskri steinselju eða kóríander yfir.