BRUSCHETTUR MEÐ BURRATA & BERJUM

Feb 6
1 min read

Bruschettur sem bragðast alveg dásamlega. Þær eru svo ferskar, sætar og bragðgóðar með burrata osti, hindberjum, brómberjum, hunangi og pistasíum. Tilvalið að bera fram í veislum eða sem forrétt. Svo er um að gera að njóta með ísköldu cava rosé, það passar mjög vel með.

24 sneiðar af súrdeigs baguette

Ólífuolía

2 burrata ostar

1 box brómber frá Driscolls

2 box hindber frá Driscolls

Hunang

2-3 msk smátt skornar pistasíur

Aðferð

1. Dreifið baguette sneiðum á ofnplötu þaktri bökunarpappír. Hellið ólífuolíu jafnt yfir og bakið í 8-10 mínútur við 190°C á blæstri eða þar til sneiðarnar eru orðnar gylltar og stökkar.

2. Rífið burrata ostinn og dreifið jafnt yfir baguette sneiðarnar.

3. Smátt skerið brómber og hindber og raðið fallega á sneiðarnar.

4. Dreifið hunangi eftir smekk á bruschetturnar og toppið svo með smátt skornum pistasíum.