FRENCH TOAST MUFFINS

Það er eitthvað sérstaklega notalegt við að baka French Toast muffins. Ilmurinn af kanil og vanillu er aðeins of yndisleg! Þessi uppskrift er fullkomin í helgarbrönsinn, í kaffiboðið eða bara þegar þið viljið dekra við ykkur. Með ferskum Driscoll’s jarðarberjum og hindberjum fær rétturinn bæði ferskleika og lit, og ef þið viljið gera þetta enn betur við ykkur þá passar ískalt prosecco sérlega vel með.

260 g súrdeigsbrauð (eða fransbrauð), skorið í litla bita

4 stk egg

½ dl mjólk

½ dl rjómi

0,6 dl sykur

½ tsk kanill

¼ tsk múskat

½ tsk vanilludropar

12 stk bollakökuform

Til að bera fram:

Driscolls jarðarber, skorin í sneiðar

Driscolls hindber

Hlynsýróp

Flórsykur til að sáldra yfir

Aðferð:

1. Hitið ofninn í 180°C

2. Skerið brauðið í litla teninga

3. Þeytið saman egg, mjólk, rjóma, sykur, kanil, múskat og vanillu í skál

4. Blandið brauðbitunum saman við eggjablönduna. Hrærið varlega saman þar til brauðið hefur drukkið í sig vökvann

5. Skiptið blöndunni í muffinsform og þrýstið aðeins niður með skeið

6. Bakið í 20-25 mínútur eða þar til muffinsin eru orðin gullinbrún og stökk að ofan

7. Berið fram með ferskum Driscolls jarðarberjum og hindberjum. Stráið flórsykri og hellið hlynsírópi ofan á og njótið vel.

Verði ykkur að góðu & njótið! ❤️

// HILDUR RUT

INSTAGRAM: @hildurrutingimars 

TIKTOK: @hildurruti

Samstarf við Innnes