HÁTÍÐAR IRISH COFFEE

Það er eitthvað svo notalegt að fá sér heitan og ljúffengan drykk í skammdeginu þegar farið er að kólna úti. Irish coffee er þá sannarlega viðeigandi en hann er í miklu uppáhaldi hjá mér. Hér kemur uppskrift að slíkum drykk í hátíðarbúningi en ég nota Fireball whiskey líkjör með heitu kanilbragði sem gerir drykkinn svo einstaklega ljúfan.

Fyrir einn 6 cl Fireball líkjör 250 ml kaffi 2 tsk púðursykur Rjómi Súkkulaðispænir Kanill

Aðferð 

1. Blandið saman púðursykri og kaffi í glas. Hrærið saman þar til púðursykurinn er uppleystur.

2. Hellið Fireball whiskey útí og hrærið saman.

3. Léttþeytið rjóma. Mér finnst gott að hann sé léttur og froðukenndur.

4. Setjið 2-3 msk af rjómanum ofan á drykkinn og stráið súkkulaðispæni og kanil yfir. Njótið vel.

Verði ykkur að góðu & njótið! ❤️

// HILDUR RUT

INSTAGRAM: @hildurrutingimars 

TIKTOK: @hildurruti