BURRATA MEÐ TÓMÖTUM & PARMASKINKU

Aug 13
1 min read

Einfaldur en einstaklega bragðgóður antipasto réttur sem hentar fullkomlega með ferskum sumarkokteil eins og t.d. þessum. Sætar ferskjur og kirsuber passa vel með rjómakenndri burrata og saltri parmaskinku. Fersk basilika, góð ólífuolía og örlítið chili toppa þetta svo fullkomlega. Berið fram sem forrétt eða þegar gesti ber að garði.

2 kúlur burrata

2 ferskjur

Fersk krisuber

Parmaskinka (1 bréf Citterio tagliofresco parmaskinka D.O.P)

Litlir tómatar (Sólskinstómatar)

Fersk basilika

Góð ólífuolía

Salt og pipar

Chili flögur

Súrdeigsbrauð eða annað gott brauð

Aðferð

Skerið tómatana í tvennt og ferskjurnar í sneiðar. Skerið kirsuberin í tvennt og fjarlægið steinana.
Raðið tómötum, ferskjum, kirsuberjum og parmaskinku fallega á stóran disk eða bakka.
Rífið burrata-kúlurnar varlega í sundur og komið þeim fyrir á disknum.
Bætið ferskri basiliku yfir og dreypið vel af góðri ólífuolíu yfir burrata og tómata.
Kryddið með salti, pipar og chiliflögum eftir smekk.
Berið fram með góðu grilluðu, steiktu eða ofnbökuðu súrdeigsbrauði.